是但嗡下

NO FREE LUNCH?? huh?? 溝女可唔可以溝得高明少少?

11025864_10152686873442215_3875577713564637615_o

 

話說有次同個後生女講,學好d 英文啦,好有用架~

跟住佢問番我係咪報 course 讀好d?

我話,溝仔都得!

講真,去報課程點及識個男女朋友日日講咁學得快呀~

而且你急於表達自己的意思,讓對方更了解自己,

那種推動力才夠大的呀!哈哈!

 

但她說,之前試過在網上認識一外國男士,

打算以英文溝通,練習下英文,

點知個男士話"NO FREE LUNCH"

小女孩問他想要什麼交換,

他說要小女孩做他的女朋友,更說要 “kiss kiss",

哈哈,小女孩嚇到花容失色,即時 block 左佢。

我聽到即刻話,"你應該同佢講,no free lunch,你講中文先吖"咁吖嘛~~~

 

其實我覺得個位男士都幾白痴,

要上網溝女,又已經知道她有這樣的一個目的,

如果稍為有耐性d,真係認認真係懶咁為佢好,

教佢幾句,老實講,要溝到女真係吾難,

可惜佢賊性難捺,講吾夠幾句就暴露自己咸濕一面,

除非是"姣婆遇著姿粉客"就有機會成功嘅姐,

否則真係有人會因為想學英文而委屈自己對住個無品咸濕佬??

 

講番轉頭,有真係有無 Free lunch 方法學好英文? 大家有無提議?

 

 

 

for blog
Facebook: https://www.facebook.com/wwmakeup
Weibo: http://weibo.com/wongwing
instagram: http://instagram.com/wwmakeup
Beauty Exchange blog: http://www.beautyexchange.com.hk/blog/wong%20wing
theZtyle blog: http://wongwing.theztyle.com
uBeauty blog: http://www.ubeauty.com.hk/blog/wing/
esdlife blog: http://wow.esdlife.com/space.php?uid=61087
blog DB: http://blog.hk.88db.com/?author=22006

08 五月 2015

與同胞升空記

20140602_7898

去馬爾代夫之前都已經聽聞過當地會看到很多祖國同胞,

結果去程和回程機都的確有很多祖國同胞。

首先去的一程,乘客不是太多,有一家四口的家庭在我後面,

他們其中一個大人一個小朋友不停在後面咳,

咳聲此起彼落,又不戴口罩,

2003年沙士事件令我提高警覺,於是叫國泰空姐給我一個口罩,

無錯,咳的那個我管不了他,唯有自己戴口罩保護自己好了~

而國泰的口罩好"流",比平日用開的易爛很多!

那些空姐亦可能因為太忙,我催促了兩次才拿給我,面色也不見得好看…..

 

在馬爾代夫的 one & only (據說是馬爾代夫最大的 resort),看到同胞和外國人(鬼佬)的比較大概是6:4,

撞口撞面都是華人樣貌,聽的都是國語,而且大大聲驚無人聽。

大概是越貴的酒店看到同胞的比例會越高……

 

而回程的時候,

乘客比去程要多很多,

而且九成都是同胞,他們的喧鬧我們都已習以為常,

上機時又塞住通道多次要空姐指示他們,

有旅客把過重的行李手提上機,要空姐把行李再拿回去寄倉,

這些煩不到我也就算,在旁邊食花生……(you know what i mean :p )

我被安排的座位是在走廊邊的位置,

隔離窗口位本來就應該有另一人坐的,

有對同胞情侶其中一位會坐在我隔離窗口位,

他們要分開坐,所以要求我換位,

但我又不想坐到中排去,就說我可以坐窗口位,他坐走廊位就可以近點他的女朋友,

但他說他的女朋友要睡在他旁邊… well 咁我幫吾到你,我不想調位。

於是他們就走去原本另一邊要求另一邊乘客跟他們換,但他女朋友竟然發爛說不要坐中排,

要求空姐給他們另外安排位置,當時所有乘客都忙亂地入座,

空姐根本都沒時間去為他們無謂的要求作任何行動,更忍不住說一句:你們換來換去,我怎給你們安排!

可見換位的情況多普遍,亦令空姐們多添麻煩。

那情侶被空姐這樣一說,即使再不情願,還是無可奈何地坐下來。

但又有另一對情侶走來說要跟我換位,oh no!

我心裏面忍不住說,你們煩不煩,坐就坐,不坐就不坐,不要再來煩我!

我堅決地回絕他們的要求,

最後我也不明白他們用什麼方法,反正他們每位都能和另一半一起坐,

而我旁邊的位置卻不知怎的空出來了,

所以我回程和去程一樣都是一個人坐兩個位…..可以好好的睡睡一覺呢…….

 

 

Facebook: https://www.facebook.com/wwmakeup
Weibo: http://weibo.com/wongwing
instagram: http://instagram.com/wwmakeup
Beauty Exchange blog: http://www.beautyexchange.com.hk/blog/wong%20wing
theZtyle blog: http://wongwing.theztyle.com
uBeauty blog: http://www.ubeauty.com.hk/blog/wing/
esdlife blog: http://wow.esdlife.com/space.php?uid=61087

05 七月 2014

學生時代拍拖你禁得來嗎?咪傻豬豬吧!

20130924_2884

報紙報導一間中學除了禁止學生談戀愛之外,更公開疑似拍拖學生的名單,似有"批鬥"之嫌!

講真,咩年代呀,講到妻離子散、死人塌樓、抱憾終生咁!

我十一歲就拍拖啦,我未死,剛剛先生第一個仔囉好無!

作為長輩應該教佢地點處理感情問題、基本道德觀、避孕方法。要讀得成書,有無拍拖都讀得成,讀吾成就歸咎係拍拖?
我想講我讀書時嘅男朋友都讀書讀得吾錯,而家都好似撈得吾錯,仲有樓、有兩個小朋友添!

再講,讀得成書又代表什麼?吾識同人相處,特別是對異性(or同性)要點做反而一竅不通,一直到幾十歲拍吾到拖個D人又點計呢?
番學校同校長投訴?阿媽問點解仲吾拍拖結婚個時,反問佢點解後生個時吾俾你拍拖,而家識驚喇咩?咁~~?!

當年我屋企咪又係打到飛起,吾俾拍拖,結果我咪又係偷偷地拍,禁止就有用?我吾覺得係~

而且我不知覺得自己早拍拖係幾咁好,學到好多野,每個男朋友身上總有好有懷的東西和事情可以學習和經歷,人生豐富不少!

 

報導:http://hk.apple.nextmedia.com/news/art/20140321/18663557

 

21 三月 2014

來自無聊星星的我

當一眾sis 化來自星星的妝,

我來搞下笑即興影左呢幾張相!

沒化全智賢妝,卻因髮型像韓仔,勉強扮演一下 dou mi chun si……

如何?像鬼多於像外星人吧!hahaha…..

 

https://www.facebook.com/wwmakeup

07 三月 2014

自欺欺人

在競爭激烈的社會生存,

除非似現在八九十後那樣吃飽無憂米,想有決心做一番事業的人,要有決心冒出頭來殊不簡單,

絕對是天時地利人和才可。

機會只留給有準備的人,是老生常談,

要準備的除了技藝,人際關係處理才是最大的難題!

舉例我們自由業者,好需要人傳人的口碑去開創事業,

越認識多朋友,就越容易有客人轉介工作的機會,

與朋友應該多熟悉才會令人覺得你可信?

太熟悉的話又會產生"持熟賣熟"的關係,在這中國人"俾面派對"的風氣下,分分鐘要白做倒貼!

有時和朋友玩得太開,總會讓人看到真面目,如果別人只記得你愛玩的一面,

看不到你認真工作的態度,自然有工作也不會找你。

又或是平日相處已經發現你經常得罪人多、稱呼人少,

那麼別人也會怕自己一番好心介紹工作,最後成為磨心,變得左右做人難,還是多一事不如少一事了!

當然,交朋友不應有前設目的,

只是隨心而發,但有時朋友也需要找幫忙,

剛好才他的朋友當中你是這方面的專長,在這刻為朋友分憂也是好事。

而且有些錢還是要給人賺的,不如益自己信得過的朋友,不是嗎?

要做一個信得過的朋友,不是一天半天的經營,

是每日自我的修行,

要有責任感,不會無事失踪、遲到,不會口沒遮攔,長舌大咀,

不會懶散、EQ低發脾氣,不會只怨別人而不檢討自己等等…。

如果你說,平日就算自己缺點盡現,但工作時就不會啦,會來個180 度大改變!

有誰會相信你這自欺欺人的謊話呢?!

___________________________________
my facebook Fans page:

http://www.facebook.com/wwmakeup

19 四月 2013

牆頭草

牆頭草是指一些依牆生長的植物,

可以形容某些人只會依附對自己有利有益處的人,無立場和主見,左右搖擺,唯利是圖的人,

而其他不能為自己帶來益處的人則不加理會。

你身邊有這樣的人嗎?

通常,我遇到這樣的人的會避之則吉,

所謂話不投機半句多。

"它"們讓成這樣的習性,也許是因為一直以來生存環境都很惡劣,

要求生,演化出這樣的人格是可以理解的。

理解歸理解,針未拮到肉,當然不知痛。

直到一刻你發現"它"已經將這樣的牆頭草秘技鍛鍊得爐火純青,

不分是非黑白,一味搖擺,甚至背著你向一些根本不會為"它"帶來好處的人也無故示好,

為的可能只是一個不相幹的人的認同。

那種被背叛的感覺讓你立即與這種人畫清界線,有什麼比不相往還更能保護自己?

教訓"它"? 有這樣的必要嗎?它連自己有這樣做過也不知,知也不覺有錯,

大家需理解它已經是根深蒂固的牆頭草,

生活力之強,絕非三言兩話可以點明。

它們甚至會仰天長嘯,問老天,我只不過想做好人,為什麼這樣都有錯?!!!

既然如此,不如趁今天大家還不是傷害太深時,雙方敬而遠之吧!

怎知它什麼時候跑來,無心無意識的插你一刀時,

你連反抗的機會都沒有了!

___________________________________
my facebook Fans page:

http://www.facebook.com/wwmakeup

17 四月 2013

在乎

我們在乎其他人的想法嗎?

人是群體生活的動物,

我們都需要別人的認同、關懷,相對地,就等於在乎別人的想法。

如果當初我寫blog不是剛好在最好的時機,

很快得到大家的關注以至認同,

不會有今天的我,

幾年下來,慢慢的由最初喜歡寫什麼就什麼,

到希望寫一些別人喜歡的題材,

以至後期利用作其中一項宣傳工具,

所有的路都是自己的選擇,但後果卻不是順應自己的意願來運行,

於是有迷失、有冷落、有離棄。

但這blog的確是成就今天的的的其中一個重要因素,

今天可以在這輕輕地談一些感覺,

不理會讀者的你以什麼心情看這篇文章,就再暢快不過了!

___________________________________
my facebook Fans page:

http://www.facebook.com/wwmakeup

15 四月 2013

因病得福

很久都沒有安安靜靜坐在電腦前正正經經的打篇blog了!

工作繁忙,

空閒的時間只會把之前所有錄起的電視劇以清貨式的狂播狂刪除,

累了就吃、吃了就睡,張開眼,又是另一個工作天,然後忙幾天,又到休息日再重複所有動作。

每星期到超級市場花一千幾百,算是主要的娛樂,

有機會去shopping的話,也會覺得沒什麼能買得開心、興奮,

反正衣服鞋襪的確買了很多,但經常穿的卻很少,放在衣櫥裏封塵的比率最高。

日復一日,令人忘記當初對事物的熱誠與好奇心,

每天吸收的東西,不是空泛無味的劇情,就是工作上的所有事,

正如大家所謂,生存有什麼意義?生活態度應該是怎樣?

沒時間想,亦沒心情想,

反正人生還是繼續,不會因為你忽然想個什麼所以然出來,

就可以不吃飯、不交租、不出糧! 不是嗎?

無錯,人越大,生活好像變得越枯燥,

我以前也會想一些什麼浪漫的鬼主意想調劑一下生活,

但慢慢發覺有趣事越來越少,生活圈子好像是擴大了,但其實卻越來越小!

有時羨慕身邊年輕人什麼事都是新鮮事,小小事都會覺得很新奇好玩,

無疑,這是青春獨有的福氣。

知道什麼是因病得福嗎?我今天就知道,

因為病了好幾天,完全不能離開家門,工作的事不能參與太多,電視劇總有看完的時候,

現在反而可以在家聽聽音樂、打打blog,呵呵~~

原來這樣的福氣就是叫享受生活!

___________________________________
my facebook Fans page:

http://www.facebook.com/wwmakeup

12 四月 2013

The city is dying!

近排大家成日掛下口邊既說話之一:The city is dying!

無錯,香港人既質素每況愈下,

成日話國內同胞點點點無文化,無質素,係“蝗蟲”什麼什麼的!

但偏偏我地香港人就越來越蝗蟲化,

無公民教育、無禮貌、無樂於助人既心、無熱誠!

今日報紙講話香港人無禮貌,遊客覺得香港人冷漠、無人情味。

而D網民點樣反駁話國內同胞黎香港無品隨街痾,

阿某某名律師仲夠膽講因為香港人節奏急等等咩咩咩籍口,

點解就係吾可以面對現實,而家D人的確係無禮貌呢?!

記得有一次,我去時代廣場買野,朋友之後將會泊車入時代廣場,咁我走去問下 "information" 姐姐,

如果要免費泊車,要點做呀?

佢話11:00pm後要去 B4 辦手續,

咁我問佢 B4 係邊,

佢竟然瞪大對眼話: “咪係B4囉!”

我再問"咁 B4 即係o係邊?"

佢瞪更大眼,好似以為我吾識聽廣東話,又或者係咁“低能”、咁簡單都聽吾明咁:"B4咪就係o係B4囉!"

我頂!

你知吾你企左係 "information"櫃位,你係咪應該有責任話我知,點樣去B4,

個度係你公司,吾係我公司,

我吾係日日都係度番工架,

如果我咁清楚你公司有幾多層,每層樓點去,我就吾駛去"information"度問你個“高能”啦!

連客人既需要都吾知,仲要懶勁咁當人低能!

如果真係因為同胞如何如何影衰香港,

我諗呢位 information 小姐可能係平時對同胞對得多,

俾佢地薰陶到個人都無質素埋!

人地無禮貌,自己就要無禮貌架咩?!

更何況我對佢都無話粗聲粗氣,我吾駛你笑晒咁答我,但都可以以誠懇既態度黎回答我吖!

你無熱誠無禮貌無品無家教就認左佢啦!

換左以前,我可能會教訓佢、甚至投訴佢,

但而家我會知道,成個社會都係咁,你投訴都無用!

記得我仲係小朋友年代時,遇到別人做d吾好既野,阿媽會教,吾好學佢呀~

但而家反而係教d小朋友人地做吾好既野,你吾想執輸,要做得衰過佢呀,吾係咪蝕低。

例如以前見到d人大大聲講野,會教自己d細路要有禮貌,要細聲d,

而家d人係要大聲過人,咁人地都係咁大聲嘛,自己吾大聲d點得喎!

人地都無禮貌,我點可以有禮貌喎!

呢d咁既心態咪就係無家教囉!!

無辦法,而家d 父母吾得閒教,

但點解佢公司無為 information 小姐做好d Training呢?

定係公司已經教左,但係而家d人實在太無家教,單係 Training 已經改善吾到佢地既劣根性呢?

吾好再賴人、多多籍口啦!

無論人地點樣做得衰,你自己都要KEEP留自己做好D先得架嘛,累鬥累又有咩用呢?

對自己、對香港有咩好處呢?!

my facebook fans page: http://www.facebook.com/wwmakeup

04 一月 2012

祝大家聖誕快樂

明天就是平安夜了!

原本連續放幾日假就應該盡情地安排下節目,好好咁玩番幾日,

但剛好昨天就拉親條頸筋,搞到轉下個頭都有難度,

希望明天會好d啦!

祝大家聖誕快樂,玩得開心d!! ^^

_____________________________________________

my facebook fans page: http://www.facebook.com/wwmakeup

23 十二月 2011