吾做"搞手"三代好!

話說我都算係一個宅女,

雖然大部份人睇我個look都以為我成日去蒲,又煙又酒,

實情係"我係淑女",收工就番歸,

又吾煙又吾酒,不過講粗口….wakakaka….(壓韻!)

咁又因為我咁“宅”既習性,

平時十世都吾會約成班朋友出黎食下飯或者聚下,

好怕約多人的時候,又要就呢個食d咩,再就那個住邊區!

約人食飯都咁煩,

約人搞party就更加係令我怕怕!

最近吾知抽起邊條筋,竟然想搞 iMAKEUP 學生聚會,(多數係因為諗住有d好同事幫手搞,吾駛自己煩),

又加上都有同學提過想我地搞下聚會喎,

咁又就快萬聖節,就不如搞個萬聖節party啦!

又可以聚下,又可以扮鬼扮馬搞下笑,影下團體相,又搞下抽獎,燒下野食咁…..

點知出左呢個通告之後,

竟然有人同我講驚全部人都吾識會好悶,又驚扮鬼扮馬等等….多多理由!

個刻我都不知幾後悔搞呢個party出黎!

我已經諗定要大家扮晒野咁行出街好似好怪,

所以係自己studio搞就可以黎到先扮野,走之前又可以落晒妝,

大家搞下笑就一晚嘛,點知原來大家直頭係吾想扮~~~~

我地成日成班人出去做野,都係全部吾識對方架啦,

之前飯聚個時都係成班都吾識架啦~

食完仲話叫我搞 iMAKEUP 旅行喎,真係吾好講笑!!!@@!

後來我係facebook發爛炸之後,

竟然原先多多借口既同學都話會黎喎 @@!

相信都係屈服係我既淫威之下………(其實當時已經同同事講取消個party…)

咁而家個party都會繼續進行,

希望到時吾大家會投入到啦……. 好擔心………………..

都話吾好做搞手架啦!!!!!!!!!!!!!