咁串?難度你吾覺得食野唔俾錢、仲要話人地"串"嗰個,唔係最串咩?

11892223_964523173606185_2056742411155641851_n
我地做咁多新娘客,她們的姊妹化妝有時是我們化,有時是另外找化妝師化,咁另外搵得其他化妝師,原因都離不開是價錢較便宜!此話怎講?新娘用得我地,即係比較信我地嘅質素,咁如果姊妹化妝搵更有質素的?這個理由實在太不合邏輯吧?所以除了是因為想找平宜一點的話,都很難理解其他原因。
(噢,尚有另一原因是姊妹化妝師是化妝學徒或是識少少化妝的姊妹。)
結果?經常都有“姊妹化完妝,走來問我們妝頭有無得幫佢執/埋怨個妝好肉酸”的情況。
大佬呀,你地俾左錢個邊化妝架嘛,有咩問題梗係問番個邊啦,有咩理由要我地來執手尾呢?如果我地執D吾執D,又有人話做咩你個妝咁,又入埋我地數,話我地化得吾好,真係賠了夫人又折兵。而且執得一個,就個個排住隊過來執,需知道我們賣的是專業,專業的確不能以量來計算,你覺得幫你痴一痴番睫毛是“舉手之勞”,的確,是舉一舉手就可以做好,因為我們用很多時間金錢來訓練到"舉手"就可以完成的。
咁我地收吾收你錢好呢?咁如果要收,收幾多好呢?收十分一錢?收三份一錢?收二分一錢?錯!!整個化妝是我們的出品,沒有做少少同做多多之分,你去餐聽食野都吾可以話點半個公仔面可吾可以收一半錢啦,係咪?
你老細僱用你之後同你講,我年尾淡季只做一半工作量,你收一半人工得吾得?
本來就是明碼實價,明買明賣,卻因為那所謂“執少少”而變得含糊,如果真的那麼舉手之勞,我們可以借你一支膠水,你自己痴得番個睫毛就是了,咁串?難度你吾覺得食野唔俾錢、仲要話人地串個個唔係最串咩?我們肯借膠水俾你已經是行了一個很大的方便(需知道那支疑似迷你白膠漿的物體,居然索價六七十至百幾蚊不等)
錢不是最主要我們不喜歡幫人執妝的原因,另一原因是很多時她們不會存有感恩的心,認為“執少少”、“舉手之勞”之麻,有咩咁大不了,小恩小慧何足掛齒,咁又何需心存感恩呢?莫講話吾會介紹客俾你,真係可以連吾該都只係念口枉講一講,分分鐘你整得吾好,仲反過來話番你衰。
做一份工作,不外乎要錢or要面or要成功感,結果咩都無。咁點解仲會幫你執呢?
12039352_975476832510819_5745048936449703088_n
還有另一個我們不想幫人執妝的原因,是我們自己的作品都不希望人家隨隨便便來踩一腳,作為一個專業人士,這基本禮貌也不懂,何來談得上專業,
當初客人不論是什麼前因要顧用她們(手藝也好、價錢也吧)我們都應該好好專重別人,大家可能只是不同風格,我們不希望別人妄自批評,
同樣也應該學懂欣賞和理解。妝是別人化的,若你真的認為我們的風格比較適合,也只可以請你把整個妝卸掉,讓我們重來。
12400543_1023659111025924_4557439729768132650_n
再講,有時有d化妝客同我地講,幫人做姊妹都不會用新娘提供的姊妹化妝師,因為衰過太多次,嚇怕左!
係呢件事上面,我們只可以說是一個惡性循環,首先,新娘子為慳錢找平宜化妝師是可以理解的;而便宜化妝師又因為收得好平宜所以在時間、用料上都必須節省也是可以理解的;結果妝頭因為時間太倉卒(可能兩個鐘做七個,每人得十幾分鐘,你說能化得靚,整得好,會不會有點異想天開呢?),結果化妝半個鐘溶掉,眼睫毛不知甩頭幾多次,髮型在離開女家之前已變得披頭散髮)慘不忍睹。而有些做過姊妹的新娘子又因為知道有些姊妹化妝師是很便宜的,反正d朋友都吾識化妝,有人化點都好過無人化,於是就是但搵人做。而有些化妝師因為自己水平未夠就收很便宜想做起個客源。結果化妝師因為長期做cheap job,自己不會再進步,以為這樣做到job就可以,水平停留在低水。姊妹俾呢d化妝師化過就驚左,吾想再俾呢d人化,甚至叫新娘吾好搵貴的化妝師,因為未試過好野,以為貴野同樣平野係一樣。新娘又繼續因為眼見一些收好平的化妝師而因為價錢而忘記質素的重要,甚至上網徵求免費的化妝師,然後這些又平又free的化妝師又化到好肉酸……媽呀,我好亂!!! 無日無之…… =.=!!
11915798_969517043106798_346828952233693804_n
老實講,本來每個人的要求都很不同,而化妝喜好更加係人夾人的,我們姊妹化妝的價錢吾係最貴,但一定不是便宜;而我們的化妝師不一定是“睇相佬”一睇就知道你喜好,但我們都樂意聆聽,樂意盡力改善至你喜歡的妝容,如果可以獲得你的諒解,大家一定可以盡力溝通至最好效果!但請同時知道,溝通和改良都需要時間,我們之所以貴,是因為我們人手充足,不會一個打七個,所以我們時間會較充裕,盡力令每一位客人都靚!
怕會比新娘子更靚?
放心,新娘子當日無論如何都一定是最靚的,而且服裝也跟姊妹裝不同,主角的地位不會那麼輕易被動搖的!
11878941_10153079633477215_213621408125618549_o