由從化到廣州

昨天出的blog有朋友想知多少少有關我去"廣州從化"的資料,

去從化可以在香港坐直通巴士去從化,

巴士公司為"永東巴士",在旺角上車。

酒店方面,

可上 www.ctrip.com ,

呢度有好多大陸酒店讓你們慢慢選擇,

係吾係最平? 我都吾知呀,不過好啱我呢d吾得閒去旅行社夾價既人囉 ^^

我們一行人在從化留左一晚,

第二日我地包左架 VAN 仔去睇完從化既景色,

黃昏時就由同一架 VAN仔坐番落廣州,

車程比想像中耐,大概兩小時。

去到已經天黑了!

番到酒店,擾嚷一輪,再出去時,已經九點,

從酒店窗外見到廣州塔好鬼靚,

所以餓死既我地即時跳上車,

直奔廣州塔,諗住附近點都吾會餐廳都無間卦…..

點知就真係連小食店都無~! @@

但見廣州塔咁靚,

成百五蚊人仔一個人,我地都仲走上去睇睇,以為會睇到好靚既廣州夜景…….

點知上到去觀景層先知中國名言"金玉其外、敗絮其中"係咩意思!

觀景台入面咩都無,又迫,

三尖八角之餘,睇景既環迴玻璃窗俾外面既支柱交叉交叉咁遮住!!!!

我地睇景要係d交叉既支柱中"莊"出去!

如果你稍為曾經去過兩個以上類似既觀光塔,

再去呢一個,你一定會同我一樣想大叫(((((回水)))))))))!!!!

咁其實除左呢個廣州塔之外,

其他所有廣州既野,俾我地既感覺都係好好既!

包括食物、地鐵、環境等等,

無論新起既高樓大廈,古舊既古蹟建築,以至人既素質,

都係同十幾年前無得比,進步得太多了!

整體市容也很整潔,

是值得再去食下野,遊覽下既好地方~

(不過要緊記吾好上廣州塔!!)