高雄親子遊必去景點(偽文青之旅都得)
Author: wong wing | Category: 我們這一家, 要試真D | Tags: 台灣, 旅遊, 機票, 淨園休閒農場, 親子遊, 駁二藝術特區, 高雄
當好多bb 三個月就已經坐過飛機, 我們家max 卻三歲才第一次飛~
這人生第一次的trip,我們選了台灣高雄,
主要原因是我們 max 的契媽就是住在高雄, 包飲包食包住包玩!
真係攞張機票就行得~ wakaka…多謝契媽!
(這次機票消費:兩大一小孩共五千多元)
max 第一次坐飛機,又緊張又興奮,
整個航程都非常乖巧,剛好來回程都有年紀差不多大的小朋友不止的哭鬧,
max 實在非常之抵錫,爸爸教導有方之果!wakaka…..(我係擦鞋仔)
去到高雄,我們沒有安排太多的行程,因為主要都是讓 max 坐一坐飛機體驗下,
希望旅程不要太辛苦勞累,也不想又去夜市食食食,所以今次要介紹俾大家只有兩個景點,
第一個是位置就近機場的農莊,可以看飛機起落的淨園休閒農場,
一進門就看到陸地上最強生物『河馬』美美與豆豆近接我們,個一下真係打個突!
因為心入面覺得,又吾係動物園,最多咪得d兔仔、羊仔、鴨仔個d,無諗過會有河馬!!
整個園區有很多不同種類的小動物,很多都可以近距離餵飼,
除了食草之外,仲有餵紅羅白同奶,d豬仔食奶個時實在太熱情搶食,
我沒法空出手來拍照呢!hahaha….. max 在這裡玩了個幾鐘,
契媽說如果兩點都未出到去市區,餐廳都會閉門了, 我們聽到即刻動身就走,
否則 max 應該可以再餵多個幾鐘~ haha…..
因為實在好好玩,其實大家如果去,都可以在他們附設的餐廳用膳,
價錢稍貴,不過就不用趕頭趕命, 可以休閒的去享受下~
入場費不算好貴,才幾十蚊港紙,“折抵”即是可以在場內消費用番,
個d餵飼草、奶可以用,餐飲、食飯都可以用番架。
其實農場仲有好多不同時期的節目,
有興趣可以去佢地網址睇睇: http://www.aircoffee.com.tw/index.php?id=1
BTW,如果你去過香港、國內個d所謂農場、農莊,大部分都有陣陣異味,蚊蟲又多,
但呢個淨園休閒農場真係好乾淨,吾臭無異味,吾覺得有好多蚊蟲,
不得不讚園方管理得很好!
而另一個要介紹俾大家去的地方,駁二藝術特區!
就是高雄一個新開發的藝術文化區, 除左小朋友啱玩之外,文青同偽文青都好應該去架!
位於碼頭旁的倉庫群藝術特區,由過去儲放魚粉與砂糖供應港口川流的倉庫改建而成
駁二這個極具特色的藝文空間,
很多不同的藝術家展覽、
售賣各種藝術品,
整個園區非常大,分很多不同的部份,
而令 max 最興奮的就是「哈瑪星台灣鐵道館」去坐小火車!
位於駁二藝術特區蓬萊倉庫,
票價如下:個人覺得不貴啊,香港玩個機動遊戲幾分鐘都已經成百蚊,這裏消費很合理!
同舊時細個搭火車咁,有票務員剪票入閘,
坐上小火車起程lu…..
小火車路程比想像中長,不會覺得很搵笨,
max 玩完一次又一次,第二次再玩大人那張票有特價平少少,
除了小火車,整個空間都非常廣闊,
如果有時間可以在這野餐、放風箏都是非常不錯的選址!
只是其他展覽對於三歲小朋友來說就真是有點悶,所以其他地方也逛逛就離開,
沒有再買門票進每一個展館細看了!
現場也有很多學生、藝術家在那裡即席寫生、畫畫!文化藝術氣息相當濃厚!
所以如果你是文青/偽文青,去呢度應該可以偽術一整天!哈哈!
聽聞假日仲會有好多節目同市集!
捷運站行過去非常方便,所以即將去高雄的你可以去看看啊!
駁二藝術特區 : http://pier-2.khcc.gov.tw/home01.aspx?ID=1
05 一月 2017