新防水玩具

今年吾知咩事成日都有機會去海灘,

所以忽然心血來潮買左部富士防水相機。

買之前都睇左幾個星期架啦~

大部份呢類相機都要三千左右,

但係防水相機既拍攝質素一般都比普通傻瓜機略差,

如果用作平時拍攝的話,效果未必會咁理想。

咁如果單作防水相機之用的話呢,講真又真係吾算話太多機會喎~

所以覺得如果三千幾蚊只係 for 一年吾知有無十次既落水機會黎講,真係有點貴!

終於上個星期係電腦場既一間賣相機既店鋪見到呢部 Fujifilm 機,

才千七元左右,幾抵玩喎~

再經該店經理給力推介之下,就買黎玩下! ^^

一買番去,就梗係"新XX、三日香"啦!

沖涼個時都影將水點一大餐…(有點浪費食水,所以只玩左一次),

發覺如果吾開閃燈的話,稍為暗少少就差不多影吾到相!

但開左閃光燈就無咩問題啦~

出外在陽光普照既地方都影得好清楚架,

不過上面呢張因為本小姐無化妝,吾想俾大家睇得太清楚,

所以專登 post 一張檬檬地既,等大家睇得舒服d….wakakaka….

而上面呢張係將相機放入海水中再拍水面上的我,

好有極醜陋外星人feel吧~~ hehe….

其實我吾識游水架,又吾敢潛入水中喎~

可以影既野都真係好少…….

如果之後影到d咩好野,再係度同大家分享啦! ^^

我既 fans page:http://www.facebook.com/wwmakeup